Tuesday, August 16, 2022
More
    गृहपृष्ठसर्लाही बिशेशलालबन्दीबाट एक महिनामा २० करोड भन्दा बढीको तरकारी निकासी

    लालबन्दीबाट एक महिनामा २० करोड भन्दा बढीको तरकारी निकासी

    - Advertisement -

    लालबन्दी । सर्लाहीको सबैभन्दा ठूलो तरकारी बजार लालबन्दीबाट एक महिनामा २० करोड २३ लाखभन्दा बढीको तरकारी निकासी भएको छ।

    कृषि थोक बजार व्यवस्थापन समिति लालबन्दीकाे तथ्यांक अनुसार असार महिनामा लालबन्दी बजारबाट २० करोड २३ लाख १७ हजार ५ सय रुपैयाँको  अन्य तरकारी निकासी भएको हो।

    असार महिनामा लालबन्दीबाट सबैभन्दा धेरै हरियो बोडी मात्रै ६ करोड ५३ लाख ७५० रुपैयाँको निकासी भएको छ। बोडीपछि परबल ४ करोड ६९ लाख ४८ हजार ७५० रुपैयाँको निकासी भएको बजार व्यवस्थापन समितिले जनाएको छ।

    अहिले मुख्यगरी बोडी र परबलकै सिजन हो।

    त्यस्तै, १ करोड ६२ लाख ५३ हजार ७५० रुपैयाँको लौका, १ करोड २ लाख ७९ हजारको हरियो खुर्सानी, ७० लाख ९४ हजार २५० रुपैयाँको गोलभेँडा, ३६ लाख ३२ हजार ७५० रुपैयाँको घिरौँलासहित अन्य तरकारी निकासी भएको छ।

    विशेषगरी किसानले लालबन्दी बजारमा ल्याएर बेच्ने तरकारी काठमाण्डौं, पोखरा, नारायणघाट, हेटौँडा, वीरगन्ज, जनकपुर, सिन्धुली, कटारीलगायतका ठाउँहरुमा निकासी हुने गरेको छ।

    - Advertisement -

    एक उत्तर छोड्न

    कृपया आफ्नो टिप्पणी प्रविष्ट गर्नुहोस्!
    कृपया आफ्नो नाम यहाँ प्रविष्ट गर्नुहोस्

    Advertisingspot_img

    Popular posts

    My favorites

    I'm social

    50,000प्रशंसकजस्तै
    7,000अनुयायीहरूलाईपालन
    500अनुयायीहरूलाईपालन
    500ग्राहकहरुसदस्यता

    फेसबुक पेज लाइक गर्नुहाेस !