हरिपुर । सर्लाहीको हरिपुर नगरपालिकामा नयाँ प्रमुख प्रशासकिय अधिकृत हाजिर भएका छन । नगरपालिकाले बुधवार एक कार्यक्रम गरि यस अघिका प्रमुख प्रशासकिय अधिकृत राज कुमार दासलाई बिदाई गर्दै नयाँ प्रमुख प्रशासकिय अधिकृतको रुपमा आउनुभएका दिवाकर भुजेललाई स्वागत गरेको हो ।
गएको स्थानिय चुनावमा जिल्ला निर्वाचन कार्यालय सर्लाहीको प्रमुखको रुपमा जिम्मेवारी सम्हालेका लालबन्दी निवासी भुजेल हरिपुर नगरपालिकामा प्रमुख प्रशासकिय अधिकृतको रुपमा आउनुभएको हो ।
हरिपुरका यस अघिका प्रमुख प्रशासकिय अधिकृत दास सरुवा भएर सिराहा जिल्ला जानुभएको छ । दासले हरिपुर नगरपालिकाबाट १ बर्ष ४ महिना सेवा प्रदान गर्नुभएको थियो ।
नगरप्रमुख गोपाल पंजियार, उपप्रमुख निलमदेवी राय यादव लगाएतका नगरका कर्मचारीले नयाँ प्रमुख प्रशासकिय अधिकृत भुजेललाई फुल माला तथा अबिर लाएर स्वागत गरेका थिए ।
