Tuesday, August 16, 2022
More
    गृहपृष्ठसर्लाही बिशेशहरिपूर्वामा एक युवकको हत्या गरिएको अवस्थामा शव फेला

    हरिपूर्वामा एक युवकको हत्या गरिएको अवस्थामा शव फेला

    - Advertisement -

    हरिपूर्वा । सर्लाहीको हरिपूर्वामा एक युवकको विभत्स ढंगले हत्या गरिएको अवस्थामा सोमबार बिहान शव फेला परेको छ ।

    हरिपूर्वा नगरपालिका–३, धनकौलका रामसोगारथ रायको छोरा वर्ष १९ का सुशील कुमार यादवको हत्या भएको अवस्थामा शौचालयको खाल्डोमा शव फेला परेको हो । सोमबार बिहान गाउँकै आधारभूत विद्यालय धनकौलको चर्पी निर्माणका लागि खनिएको करिव ६ फिट गहिरो खाल्डोमा शव फेला परेको हो ।

    धारिलो हतियारले घाँटी रेटिएको र फलामको तिखो सुईरोले आँखामा प्रहार गरेर हत्या गरिएको अवस्थामा सुशीलको शव फेला परेको जिल्ला प्रहरी कार्यालय मलंगवा सर्लाहीका प्रहरीका प्रवक्ता एवं डीएसपी विजय यादवले जानकारी दिनुभयो । भारतमा मजदुरी गर्ने सुशील केही दिनअघि मात्रै घर आएका थिए ।

    सुशील गएको सुक्रबारदेखि नै घरबाट बेपत्ता भएपनि परिवारले प्रहरीमा भने खबर गरेको थिएन । परिवारले सुशील पुनः कामका लागि भारत नै गएको होला भनी प्रहरीमा सूचना नगरी बसेको तर सोमबार बिहान शव फेला परेपछि मात्रै सुशील चारदिन अघिदेखि नै बेपत्ता रहेको खुल्न आएको डीएसपी यादवले बताउनुभयो ।

    - Advertisement -

    एक उत्तर छोड्न

    कृपया आफ्नो टिप्पणी प्रविष्ट गर्नुहोस्!
    कृपया आफ्नो नाम यहाँ प्रविष्ट गर्नुहोस्

    Advertisingspot_img

    Popular posts

    My favorites

    I'm social

    50,000प्रशंसकजस्तै
    7,000अनुयायीहरूलाईपालन
    500अनुयायीहरूलाईपालन
    500ग्राहकहरुसदस्यता

    फेसबुक पेज लाइक गर्नुहाेस !