हरिपूर्वामा एक युवकको हत्या गरिएको अवस्थामा शव फेला
हरिपूर्वा । सर्लाहीको हरिपूर्वामा एक युवकको विभत्स ढंगले हत्या गरिएको अवस्थामा सोमबार बिहान शव फेला परेको छ ।
हरिपूर्वा नगरपालिका–३, धनकौलका रामसोगारथ रायको छोरा वर्ष १९ का सुशील कुमार यादवको हत्या भएको अवस्थामा शौचालयको खाल्डोमा शव फेला परेको हो । सोमबार बिहान गाउँकै आधारभूत विद्यालय धनकौलको चर्पी निर्माणका लागि खनिएको करिव ६ फिट गहिरो खाल्डोमा शव फेला परेको हो ।
धारिलो हतियारले घाँटी रेटिएको र फलामको तिखो सुईरोले आँखामा प्रहार गरेर हत्या गरिएको अवस्थामा सुशीलको शव फेला परेको जिल्ला प्रहरी कार्यालय मलंगवा सर्लाहीका प्रहरीका प्रवक्ता एवं डीएसपी विजय यादवले जानकारी दिनुभयो । भारतमा मजदुरी गर्ने सुशील केही दिनअघि मात्रै घर आएका थिए ।
सुशील गएको सुक्रबारदेखि नै घरबाट बेपत्ता भएपनि परिवारले प्रहरीमा भने खबर गरेको थिएन । परिवारले सुशील पुनः कामका लागि भारत नै गएको होला भनी प्रह...